: وش فيه اذا البنتـ "تعــشــق".؟!!

يمه عليـه ان زعـل ... واذا رضـاء يمـه
يمـه ذبحنـي غـلاه ... وشـل وجدانـي
يمـه غرامـه طريـقـي ... ولازم اتـمـه
شيٍ مـن الله علـى غفلـة تغَّشَانـي ...!!
اشهق على ضحكته واشفـق علـى ضمـه
واموت منه ان جفى ... وان جاني احيانـي
ان كان درب الشقى يمـر مـن يمـه ...!!
والله لكـمـل شـقـاه " ان الله احيـانـي "
اقـول ياسيـدي ... ويقـول ياعـمـة ...!
كـلٍ ذبحـه الولـه فـي عشقـة الثـانـي
اشتـاق طعـم الغديـر اللـي وسـط فمـه
مقـدر اخبـي عليـه ... اكتـب ويقرانـي
مـن عـام الاول يقـول ان عطـري بكمـه
يقصـد دمـوعٍ مسحهـا يــوم بكـانـي
ويقصد عَـرَق وجنتـي مـن قبـل لا لمـه
يـوم الولـه ناشنـي بالـبـرد وادفـانـي
قمت اشتكـي للغـلا ... واصيـح واخمـه
ياشيـن بلـوى الهـوى ... الله لا يبلانـي
يقـول لـي بالهـوى مذهـب ولـي ذمـة
واقـول بصـرك ... ولـكـن لا تعـدانـي
ابـي طريقـك يصيـر لوجهـتـي يِـمَّـة
ومنيـن يممـت وجهـك غصـب تلقـانـي
يزمنـي بالهـوى ... زمــة ورى زمــة
قطـع وريـدة وخاطـه وسـط شريـانـي
مبطي اذا خفـت صحـت وقلـت " يايمـه "
والحين اذا خفت صحت وقلت " ياحصانـي "
لا واهني من قـرب منـه ... ومـن شمـه
ماكن ربـي خلقـه الا علـى شانـي ...!!
جيتـه وكلـي مــن الاشــواق ملتـمـة
امشي من الصبح ليـن ان عشقـه امسانـي
ياحلو لوعـة شقـاه ... ويـا حلـو سمـه
والله ياهـو بالهـوى " مـن جـد ورانـي "
ادمـى عيونـي ... وحنـى يدينـي بدمـه
وعلـى طريـق الولـه اقـفـى وخـلانـي
يمه احبه ... فديـت ابـوه قبـل امـه ...!
يهزنـي هـز ريـح ... وزلـزل اركـانـي
"وش فيه اذا البنت تعشق...؟! ... الهوى قمة"
خليني اعشـق قبـل مـا تابـس اغصانـي
يهمنـي حيـل ... وادري فيـنـي اهـمـه
حتى اسألي روجـي الـوردي ... وفستانـي
يسقي عروقي مطر ... مـن بيـره الجمـة
ليـن ارتـوت منـه قيعانـي ... وبستانـي

» "احبك بجنون"................
» لمن ينظرالى المصحف دون تحريك الشفاه ...هل يثاب على ذلك "شوفوالحكم