مقابله مع عجوز ..... لآ تفوتكم

,.:"

صـبـآحـكــمـ، || مــســآءكـــمـ،

خــــــــــــــــــــــير & ســــ ع ــــــــــــــــآدهـ،

بصراحه الموضوع هالمره غريب وعجيب ورهيب و اريكسون بعد وإن شاء الله يعجبكم
وأكيييييييييييييييييييييييييييد أنتم عرفتوه من أسم الموضوع

يالله خلونا نبدأ الموضوع ~~> أحد ماسكك يا شاطره

.. أسـكـتـوـوا المقابلة بدت ..

- مساك الله بالخير ياخاله ؟
انطمي دوري غيري مالقيتي الا أنا ~~> الظاهر أحد سارق منها شي عشان كذا زعلانه مافيه مشكله ندور على غيرها

- ياخاله مساك بالخير؟
منيب خاله تخلخلت عظامتس <~~ عربجيه هالعجوز قولي مادموزيل

- طيب يامادموزيل ممكن تعرفينا على اسمك وعمرك؟
اسمي كاترين وعمري 16 وبعد 3 شهور ابدخل 15<~ الظاهر إنها وصلت 100 وبدت بالعد التنازلي

- طيب ياكاترين ~~> صدقت إن إسمها كاترين وش وظيفتك ؟
منول كنت وزيره الشونه ~~> اللي مايعرفها يسال جدته أو جده واللحين ابيع في هالمبسط

- وش تبيعين في المبسط كل شي بريالين ؟ <~~ يحلفون إن اللقافهـ مو عندي
لا مهوب بريالين يالوحه كل شي ابيعه وكل شي له سعره مثلاً ابيع طواقي وفصفص وبهارات وعصفر وكمون وبيزه وسكر نبات وحلتيت وعبدالله رشاد >>> والله الــعــجـــوز تــــذب

- طيب يامادموزيل كم عدد عيالك ؟
الشرهه مهوب عليتس الشرهه على اللي عطاتس المايك اللحين اقولتس مادموزيل وتقولين كم عدد عيالتس ماتفهمين يالووحه مادموزيل معناها مابعد اعرست ..

قولي والله ~~> هذي أنـــا
والله ~~> هذي هــــــــــي
طيب حبك ماجد عبدالله ~~> هذي أنــــا أدري بتقولون قديمهـ،

يالوووحه مابعد اعرست توني صغيره خابره لي أحد ~~> وش شايفتني خطابة المنتدى

- طيب آسفين يامادموزيل كاترين سمعنا أنك داخله المستشفى عسى ماشر ؟
الشر مايجيتس ابد بنيه واتدلع ~~> امحق بنيه

- اللحين وشلونك بعد المستشفى ؟
بيضاء ~~> إيه مايخالف

- طيب وش تنصحين البنات اللي في عمرك ؟
انصحهن إنهن ينثبرن في بيوت أهلهن ويتركن الأسواق وترى مافيها الا الخرااااب ..
(الله يحفظ بناتنا وأخواتنا وأمهاتنا قولو آمييييييييييييين )

- طيب وش رأيك في الشباب ؟
خيبه ولا يستحووووووون .. <~~ هاهاها ... شفتوا يالتماسيح

- طيب ياكاترين ابقولك أسمااااااااااااء وأبغاك تقولين رأيك فيها ؟
.. آنسهـ رجهـ ..

يازين هالأسم أحس أنه رهيب ومؤدب ~~> موضوعي وأنا حرهـ،

- طيب كلمه اخيره تقولينها يا كاترين لمنتديات غــرام ..
أشكركم على هالمقابله الرائعه وأبي منكم طلب وهو أنكم تشترون من مبسطي وترى الزين عندنا والشين حولينا

طبعاً أنا تركت العجوز بعد كلمتها الاخيره تدرون ليه ؟
لأن العجوز اللي جنبها بدات ترجمها بالطواقي والبيزه عقب الكلمه الاخيره

إن شاء الله أعجبكم الحوااااااااااار ومافيه أمل أسوي حوار مع عجز مره ثااااااااانيهـ،

وصدق بشير شنان يوم قال :
وفيت قبل أمس بالديره عجوز ... عليها و أشكالها اللعنه تجوز
قبل ما اختم الموضوع خذو هذي النكته عن العجز
......................................

يقولكم فيه عجوز مأذيه ولدها كل يوم تطلع فيها مرض مره راسي يوجعني ومره ظهري ومره ركبتي ...... ألخ
المهم ...
الولد قصر من اذاها وقال ابوديها للمستشفى وافحص عليها واشوف وش فيها
المهم ودها وقاله الدكتور أمك زي الحصان مافيها شي بس يبي لها شايب عمره 50 سنه يضفها ~~> طبعاً الأم جالسه وراء الباب وتسمع الكلام اللي دار بين الدكتور وولدها ,,, وقالت لولدها شفت ياوليدي مافيني الا العافيه بس يبي لي شايب عمره 50 سنه يعرس علي دور لي واحد و إن مالقيت شايب جب لي اثنين شباب كل واحد عمره 25 سنه ويكفوني ـخخخخخخخخخخخخخخخـ

.:. يالله أنتي ويّاه أبغى الردود عشر طعشر صفحه .:.
.::. الله لا يهينكم أرعصوا على التقيم قبل ما تطلعوووون.::.

ْ لـكـم يآ أغلى مـن ذآتي سلآمي مـع تحيآتي